Царинската управа на Република Северна Македонија и оваа година се вклучи во одбележувањето на 26-ти јануари, Меѓународниот ден на царината. Oвој пат, за разлика од останатите, овој ден e посветен на здружените напори на Царината насочени кон излез од кризата предизвикана од пандемијата КОВИД-19 и поддршка на луѓето и бизнисите преку зајакнување на глобалниот синџир на снабдување, поблиска соработка, искористување на технологијата и ставање на „луѓето“ во центарот на процесот на трансформација под слоганот „Царината – подлога за опоравување, обнова и отпорност за одржлив синџир на снабдување “.

Поаѓајќи од сите напори кои во текот на оваа исклучително тешка година беа превземени од царинските службеници како и од повеќе правни субјекти кои и излегоа во пресрет на Царината,  Царинската управа одлучи оваа година пофалниците од Генералниот секретар на Светската царинска организација, Кунио Микуријa, за посебни заслуги, под наведеното мото „Царината – подлога за опоравување, обнова и отпорност за одржлив синџир на снабдување“ да ги додели на царинските службеници, институциите и организациите,  кои со своите активности се издвоија како заслужни во воспоставување на одржлива и конструктивна бизнис околина и изнаоѓање решенија за справување со кризата предизвикана од пандемијата КОВИД 19.

Директорот на Царинската управа м-р Горан Сугарески официјално додели пофалници на следните институции и лица:

 

  • Царинска испостава Ќафасан 5071- за постигнати добри резултати во тековното работење, во  текот на 2020 година, во услови на КОВИД 19,  на полето на откривачки дејствија изготвенизаписници за Царински прекршоци  и имплементирање на проектот за Зелени коридори.
  • Витаминка А.Д Прилеп, компанија која успешно го доби статусот на Овластен Економски Оператор во 2020 година, (Царински поедноставувања,безбедност и сигурност)
  • Ултра, за ургентен развој на Модулот Ковиди
  • Управителот на компаниите Викторија Шпед и Фалкон Логистик - Џино Шкриељ, кои во своите активности и организација на работа,  се издвојуваат во воспоставување на одржлива и конструктивна бизнис околина и изнаоѓање решенија за справување со кризата предизвикана од пандемијата Covid-19, во особено отежната услови на работење, со воведувањење на сменско работење и максимални мерки на заштита на вработените и на клиентите, обезбедувајќи непречен проток  на стоки, достава на пратки до врата со цел  да се спречи ширењето на вирусот  и воведување на  paperless  работење во услови на кризата со Covid-19.
  • Огнен Наумов и Валдет Адеми – за активно и посветено работење на имплементација на сите забрани и ограничувања за спречување со пандемијата, вградување на забрани и ограничувања за извоз, имплентација на низа надворешно- трговски мерки за спречување на пандемијата, но и имплементирање и на одредбите на Законот за оданочување на моторни возила и Законот за регистрација на странски возила.
  • Ѓорѓи Наумовски и Офелија Бајо – за активно работење на имплементација на дигитални решенија за Е-царина и безхартиена царинска околина, како средство за непречено движење на стоките преку граница
  • Лидија Лекоска и Ирина Нелковска – за активно и дополнително учествување во преговорите за Договорот за слободна трговија со Обединотот Кралство, транзициони правила за потекло со ЕУ, Брегзит, со цел непречено одвивање на трговијата
  • Зорица Ашиковска и Јане Саздов - За имплементација на модулот Ковид во ЕХИМ
  • Здравко Велјановски - за навремена имплментација и поддршка на корисниците за примена на видеоконференциските алатки  Webex и Teams
  • Александра Илиевска Мишковска и Беким Хазири – за воспоставување на одржлива и конструктивна бизнис околина и изнаоѓање решенија за справување со кризата предизвикана од пандемијата КОВИД 19, во особено отежнати услови на работење
  • Маја Димчева и Љупчо Чингоски – кои се истакнаа со своите активности и организација на работа во воспоставување на одржлива и конструктивна бизнис околина и изнаоѓање решенија за справување со кризата предизвикана од пандемијата КОВИД 19, во особено отежната услови на работење.
  • Илија Јаноски - за успешно предводење и учество во активностите на Одделението за меѓународна соработка. Изминатава година  е постигнат исклучителен успех во интерес на Царинската управа, во сите области на делување на Одделението: зајакната соработка на меѓународно ниво, планирање и изработка на документација за проекти од ИПА 3 фонд, координација за непречена и навремена реализација на тековните проекти, навремени реакции за обезбедување на превод и кореспонденција со сите служби на меѓународно ниво, прибирање на податоци и изработка на потребните извештаи до ЕУ.

Царинската управа на Република Северна Македонија Ве известува дека од 23.01.2021 година, престанува да важи Уредбата со законска сила за примена на Законот за акцизите за време на вонредна состојба (Сл. Весник бр.86/20,105/20,125/20 и 169/20), што значи дека ќе се применуваат во потполност одредбите на Законот за акцизите.

Заради истекување на важноста на Уредбата,настанати се измени во структурата на највисоките малопродажни цени на нафтени деривати и горива за траспорт. Од таа причина, Регулаторната комисија за енергетика донесе измена на Одлуката за утврдување на највисоки малопродажни цени на нафтени деривати и горива зџа транспорт, која ја објавуваме во прилог.

             Опис на стока

  Износ на акциза

        Валута Единица мерка

Моторен бензин

ЕУРОСУПЕР БС 95

21,786

денари

 

литар

Моторен бензин

ЕУРОСУПЕР БС 98

21,874денарилитар

Дизел гориво

ЕУРОДИЗЕЛ БС (Д-Е-V)

 

15,482денарилитар

Масло за горење

Екстра Лесно (EL-1)

 

6,157денарилитар

Мазут M-1 HC

 

0,100денарикилограм

                                                      

Директорот на Царинската управа, г-дин Горан Сугарески, денес одржа работна средба со вицепремиерот за борба против корупција и криминал, одржлив развој и човечки ресурси г-дин Љупчо Николовски. На средбата се дискутираше за идната соработка во однос на борба против корупцијата.

Денес во просториите на Царинската управа на Република Северна Македонија се одржа протоколарна средба меѓу директорот на Царинската управа, г-дин Горан Сугарески со г-ѓа Ема Харпер, претставник на Британската Амбасада во Скопје.

Денес, 18 јануари 2021 година, во Царинската управа беше извршено примопредавањето на должноста директор на Царинската управа каде новоназначениот директор Горан Сугарески официјално ја презема должноста од неговиот претходник Ѓоко Танасоски.

Танасоски на примопредавањето го информираше Сугарески за делокругот на работа како и за проектите и активностите на Царинската управа, и истовремено му посака успех во продолжувањето на мисијата да ги заштитиме финансиските интереси и општеството, истовремено поддржувајќи го економскиот развој преку соработка, олеснување и модернизација.

Истакнувајќи дека веќе е запознат со предизвиците, тековните и идните проекти на Царинската управа, новоименуваниот прв човек на Царината Сугарески пред вработените ја потврди својата заложба за важноста на реализирањето на стратешките цели во оваа област и особено постигнувањето на понатамошни успеси со цел да бидеме водечка Царинска управа во регионот целосно усогласена со стандардите на ЕУ.

   

   

Во текот на вчерашниот ден Царинската управа во соработка со React одржаа онлајн обука за индентификација на производи од различни трговски марки.

Целта на обуката е учесниците да можат да идентификуваат производи од брендовите: Popsockets, Superdry, Swiss Watch Industry, PSA Group и Procter & Gamble.

Оваа обука е продолжение на обуката одржана на 17.12.2020 година на која беа презентирани брендовите Аdidas, Reebok, Canon, Bavaria, Puma и Diageo.

Ваквите обуки се секогаш интересни за слушателите, а ефектите кои ги постигнуваат се мерливи преку резултатите на царинските службеници.

Важен елемент е и учеството на царински службеници од регионот со што се зајакнуваат заедничките капацитети на царинските служби.

1
1
2
2
3
3
Previous Next Play Pause
1 2 3

Донесена е Насока за постапување при увоз на возила согласно Законот за регистрација на возила до странски регистарски таблички на територијата на Република Северна Македонија.

Со оваа Насока се утврдува начинот на постапување на царинските службеници при увоз на возила согласно одредбите пропишани во Законот за регистрација на возила со странски регистерски таблички на територијата на Република Северна Македонија, Правилникот за формата и содржината на изјавата за влез на возилото на територија на Република Северна Македонија до 01 октомври 2020 година, како и формата и содржината на изјавата за регистрација на возилото по завршување на постапка за увоз, потребната документација која се приложува при увоз на овие возила, пополнување на шифрите во царинската декларација за увоз на возилата што се предмет на увоз согласно Законот за регистрација на возила со странски таблички и кои подлежат на регистрација во Министерството за внатрешни работи, поради унифицирано спроведување на постапката за увозно царинење и навремено завршување на царинската постапка од страна на надлежните организациони единици при Царинска управа.

Насоката е јавно објавена на страната на Царинската управа на РСМ, и се наоѓа на следиот линк:

https://customs.gov.mk/index.php/mk/biznis-zaednica-mk/patnicki-avtomobili

 

 

На ГП Богородица при влез во Република Северна Македонија на товарно моторно возило со скопски регистарски таблички, извршена е детална контрола на возилото од страна на царински службеници од Одделението за оперативни работи. Притоа, во палетарката од десната страна биле пронајдени 6 картонски кутии со разни лекови и тоа:

  • 119 паковки Lyo-cortin прашок и раствор 100мg,
  • 50 паковки depakine 200 mg
  • 65 паковки cytotec 200mg
  • 30 паковки arcoxil 90mg
  • 30 паковки neurontin 300mg
  • 200 паковки маст butavate 30gr
  • 20 паковки deca durabolin 50 mg,
  • 50 паковки vermox 100mg
  • 44 паковки aldactone 100mg
  • 30 паковки plaguenil 200mg
  • 50 паковки ditropan 5mg
  • 50 паковки neurobion и
  • 6 кутии(42 ампули) prolutex 25mg.

Стокaта, со вкупна вредност од 233.500,00 денари, е привремено одземенa со Потврдa за привремено одземени предмети, a целокупната документација е предадена на Одделението за истраги за нивно понатамошно постапување.

Царинската управа продолжува да работи во функција на граѓаните, да се грижи за нивната безбедност и стабилноста на буџетот.

1
1
2
2
3
3
4
4
Previous Next Play Pause
1 2 3 4

Вчера (07.01.2021 година во 20,50 часот), по остварен контакт со надлежните гранични служби, добиено е известување дека претходната забрана за сообраќај во периодот од 21.00 до 05.00 часот  која започна на 02.01.2021 година, се укинува и ГП Евзони од 07.01.2021 година од 20.00 часот ќе биде отворен за секаков вид на сообраќај, но и понатаму останува забраната за влез на МКД државјани освен за ТМВ.

Со цел информирање и потсетување на заинтересираните кандидати за посетување на претходна обука и полагање на стручен испит,  повторно ја објавуваме содржината објавена на 24.11.2020 година.