Во текот на месец јуни, царинските службеници открија повеќе обиди за криумчарење разна стока, при што привремено се задржани технички производи, медицински стерилизатор, лекови, облека, девизи, парфеми и друго.

Делегација на Царинската управа предводена од директорот м-р Ѓоко Танасоски зеде учество во активностите на 133-та и 134-та седница на Советот за царинска соработка на Светската царинска организација, што се одржа на во периодот од 27.06-29.06.2019 година, во Брисел-Белгија.

Почитувани,

Царинската управа ве известува дека почнувајќи од среда, 03.07.2019 година, новиот Систем за обработка на царински декларации и акцизни документи (СОЦДАД) за увозни постапки се става во функција во сите царинските испостави, освен во царинските испостави Гевгелија – Отсек за стоково царинење (4020), Табановце – Отсек на стоково царинење (2030), Пошта Скопје (1025) и Скопје 3 (1013). Сите увозни декларации почнувајќи од овој датум во наведните царински испостави задолжително треба да се поднесуваат во СОЦДАД.

Уште еднаш напоменуваме дека основните услови за да можете да поднесeте електронска царинска декларација во СОЦДАД се:

-          да поседувате електронски потпис (сертификат);

-          да имате одобрен пристап до СОЦДАД;

-          доколку поднесување на декларации како застапници, потребно е во СОЦДАД да сте побарале и добиле Одобрение за застапување. Предуслов за ова е претходно најмалку еден вработен да побарал и добил лиценца за застапување во СОЦДАД;

-          сите одобренија поврзани со царински постапки мора претходно да бидат евидентирани во СОЦДАД.

Управата за финансиска полиција во соработка со Министерството за внатрешни работи вчера (25.06.2019 година), спроведе акција во скопското село Љуботен врз основа на сомнение за сторени кривични дела криумчарење на акцизна стока и царинска измама, при што се одземени над 12 тони режан тутун. Во акцијата нема уапсени лица, затоа што истрагата не е против физичките лица, туку таргет се четири правни лица кои нелегално го увезувале тутунот.

Ве известуваме дека Системот за обработка на царински декларации и акцизни документи (СОЦДАД) е повторно ставен во функција.

Ве известуваме дека поднесените декларации за извоз за кои системот СОЦДАД не вратил повратна порака (CC928 или CC516) да ги обработувате во системот АСИКУДА до недела, 23 јуни до 08:00 часот.

Националниот координативен центар за гранично управување при Владата на Република Северна Македонија и Асоцијацијата на превозници Макам Транс Скопје денес, 20 јуни 2019 година потпишаа Меморандумот за соработка чија цел е унапредување на прекуграничното управување и борба со организираниот криминал и корупција.

Царинската управа во насока на подготовка на бизнис заедницата за работа со новиот систем за обработка на царински декларации, организира обука за спроведување на увозна постапка со примена на СОЦДАД.

Делегација на Царинската управа на Република Хрватска, предводена од генералниот директор и помошник министер за финансии, г-дин Хрвоје Човиќ на 12 јуни 2019 година, престојуваше во работна посета на Република Северна Македонија. Во рамките на посетата се одржа работилница и консултации за искуствата на царината на Република Хрватска за процесот на прилагодување и примена на националното царинско законодавство со истото на Европска унија во процесот на пристапувањето кон ЕУ, како и примената поедноставувања во царинската постапка.

На 14.06.2019 година, во Охрид заврши двонеделна обука за управување со чамци под покровителство на Програмата за контрола на извозот и граничната безбедност (EXBS) при Амбасадата на САД во Република Северна Македонија, а наменета за царински и полициски службеници од Северна Македонија, Албанија и Косово.