Денес, 27ми февруари 2019 година, во организација на програмата EXBS на Амбасадата на САД започна обука - тридневен курс за попречување нелегални активности со патнички возила. 

Курсот e наменет за царински и полициски службеници на граничен премин, граничнита полиција и инспектори од мобилните тимови кои запираат возила и вршат претрес на сомнителните возила и возачи. 

Покрај обука во училница, курсот се состои и од практични вежби, а ќе се дискутира и за прашања поврзани со начини на попречување нелегални активности во патнички сообраќај и размена на информации за решавање на предизвиците со кои секојдневно се соочуваме при работењето, што несомнено доведува до поголема ефикасност во овој сегмент на царинското работење.

Директорот на Царинска управа, М-р Ѓоко Танасоски го отвори настанот со воведно обраќање кон присутните гости и учесници, при што ја истакна важноста на темата на овој курс како и посветеноста на Царинската управа за подобрување на своите капацитети и квалитетот на работа. Тој истакна дека за да се обезеди поголема сигурност на границата, Царинската управа постојано работи на подобрување на методологиите и способностите врз основа на анализа на ризик. Исто така, упати благодарност до Амбасадата на САД и експертите од  EXBS програмата за нивната поддршка.

Курсот ќе трае до 01ви март 2019 година.

 

IMG-73d0567d4700379ab5b2e617b2e7576d-V
IMG-73d0567d4700379ab5b2e617b2e7576d-V
IMG-418e5d171c5f9e05bfbd8e5121cc631b-V
IMG-418e5d171c5f9e05bfbd8e5121cc631b-V
IMG-79998d781c9ab15c7809da2b6221719a-V
IMG-79998d781c9ab15c7809da2b6221719a-V
Previous Next Play Pause
1 2 3