Sot u prezantua dokumenti Vlerësimi i kërcënimeve ndaj krimit serioz dhe të organizuar - SOKTA 2021, në një ngjarje zyrtare të organizuar nga Ministria e Punëve të Brendshme të Republikës së Maqedonisë së Veriut, përkatësisht Byroja për Siguri Publike, dhe me mbështetjen e Misionit të OSBE-së në Shkup. Në këtë ngjarje mori pjesë drejtoresha e Drejtorisë së doganës Sllavica Kutirov, së bashku me një përfaqësues i cili mori pjesë në aktivitetet e ekipit punues për përgatitjen e këtij dokumenti.

Ekipet mobile doganore në bashkëpunim me Ministrinë e Brendshme parandaluan një tentativë për të kontrabanduar lëndë narkotike.

Në Asamblenë e Përgjithshme Vjetore të Organizatës Botërore të Doganave (OBD), që mbahet nga 23 deri më 25 qershor 2022 në Bruksel, Belgjikë, marrin pjesë drejtoresha Sllavica Kutirov dhe ndihmësdrejtori për bashkëpunim ndërkombëtar Zllatko Veterovski. Asambleja diskuton tema kryesore në fushën e bashkëpunimit doganor global, si dhe çështje që janë thelbësore për harmonizimin e operacioneve doganore në botë, ku marrin pjesë drejtorë të administratave doganore nga 183 vende apo territore. Asambleja e sivjetshme është jubilare, për të shënuar 70 vjetorin e themelimit të Organizatës Botërore të Doganave. Me këtë rast, përveç fjalimit të Sekretarit të Përgjithshëm Kunio Mikuria, folën edhe Princesha Astrid nga Belgjika dhe Zëvendëskryeministri i Belgjikës dhe Ministri i Financave Vincent Van Petegem.

Drejtoresha e Drejtorisë së doganës dje ka realizuar takim pune me përfaqësues të Zyrës së USAID-it në Uashington dhe Zyrës për zhvillim ekonomik, menaxhim dhe rritje të ndërmarrjeve – EDGE të USAID në Shkup. Në takim u diskutua për përfitimet e bashkëpunimit të suksesshëm të deritanishëm dhe projektet e mundshme të përbashkëta në të ardhmen.

Drejtorët e Drejtorisë së Doganave - Sllavica Kutirov, Regjistrit Qendror - Marija Boshkovska Jankovski dhe Drejtorisë së të Hyrave Publike - Sanja Llukarevska, sot nënshkruan Memorandum për bashkëpunim të ndërsjellë, me qëllim të realizimit të suksesshëm të aktiviteteve të projekteve për realizimin e Projektit – Përditësimi i Sistemit One-Stop Shop.

Drejtoresha e Drejtorisë doganore sot në Ohër mori pjesë në  ngjarjen qendrore të Samitit Ballkan i Hapur - iniciativë për bashkëpunim ndërmjet Republikës së Maqedonisë së Veriut, Republikës së Serbisë dhe Republikës së Shqipërisë, e cila njihet nga qytetarët, kompanitë dhe institucionet si koncept me rezultate konkrete të dukshme.

Drejtoresha e Drejtorisë së Doganave Sllavica Kutirov ka marrë pjesë në takimin e punës për zbatimin e Marrëveshjes për bashkëpunim në fushën e veterinarisë, fitosanitare dhe sigurisë së ushqimit dhe kafshëve, që u mbajt dje në Ohër, në kuadër të Samitit dyditor të Ballkanit të Hapur.

Javën e kaluar në Beograd, përfaqësues të Drejtorisë së Doganave të Republikës së Maqedonisë së Veriut morën pjesë në një takim rajonal të shteteve anëtare të CEFTA-s, organizuar nga Sekretariati i CEFTA-s dhe Shoqata Gjermane për Bashkëpunim Ndërkombëtar GIZ (Deutsche Gesellschaft fürInternationale Zusammenarbeit GmbH).

Dje në Shkup është mbajtur një ngjarje për prezantimin e përfitimeve dhe rezultateve të arritura deri më tani nga twining projekti, të cilit iu drejtuan ambasadorja e Republikës së Kroacisë-Nives Tiganj dhe ambasadori i Republikës së Austrisë-Georg Voutsas, shef i Departamenti i Bashkëpunimit në Unionin e Delegacionit Evropian-Stephen Hudolin dhe zëvendësministri i Financave-Filip Nikoloski.

Drejtoresha Sllavica Kutirov sot ka takuar drejtorin e Drejtorisë së Doganave të Republikës së Kroacisë Mario Demiroviq, në të cilin takim është biseduar për vazhdimin dhe intensifikimin e bashkëpunimit të ndërsjellë duke shkëmbyer përvoja në disa fusha dhe tema aktuale të punës doganore. Janë diskutuar edhe temat nga projekti i përbashkët i Twining: “Përmirësimi i mbledhjes së të hyrave, politikat tatimore dhe doganore”, ku nëpunësit e Drejtorisë së Doganave kanë mundësi të marrin ndihmë nga ekspertë nga Kroacia dhe Austria në zbatimin e aktiviteteve zhvillimore në përputhje me Planin akcionar.

Drejtorët e të dy organeve doganore shkëmbyen përvoja për aktivitetet që lidhen me modernizimin e pikave kufitare më të ngarkuara dhe terminaleve të brendshme doganore, me qëllim lehtësimin e tregtisë, si dhe metodat për përmirësimin e kapaciteteve dhe organizimit të shërbimit. Gjithashtu temë bisede ishin edhe projektet aktuale të realizuara nga Drejtoria e Doganave, me qëllim të thjeshtimit të procedurave doganore, përmirësimit të kapaciteteve për kontroll dhe kontroll doganor pas zhdoganimit, uljen e kohës së pritjes së kufirit për operatorët ekonomikë, si dhe shkëmbimin e të dhënave ndërinstitucionale në nivel ndërkombëtar dhe kombëtar.

Në takimin e sotëm u theksua partneriteti strategjik afatgjatë ndërmjet dy institucioneve, i cili konfirmoi përpjekjet për bashkëpunim në të ardhmen, përmes aplikimit të praktikave më të mira për afrimin e Drejtorisë së Doganave me doganat e vendeve anëtare të Bashkimit Evropian.

 

 

    

    

 

10206202248
2020620224489
3020620224865
Previous Next Play Pause
1 2 3