Leja e akcizës

 Personat që synojnë të prodhojnë, përpunojnë, marrin, ruajnë dhe transportojnë mallra që i nënshtrohen akcizës në procedurën e shtyrjes së akcizës duhet të kenë leje akcize.

Leja e akcizës i lëshohet një personi që plotëson kushtet e mëposhtme:

• kryen ose synon të kryejë veprimtari lidhur me mallrat e akcizës dhe selinë e ka në Republikën e Maqedonisë së Veriut;
• mban në mënyrë të rregullt librat afariste në përputhje me rregulloret në fuqi dhe dorëzon rregullisht llogaritë vjetore për dy vitet e fundit;
• kundër të cilit nuk janë nisur procedurat e falimentimit ose likuidimit;
• nuk është dënuar me vendim gjykate të formës së prerë me burgim të pakushtëzuar për krim të kryer në fushën e tatimeve dhe doganave, si dhe nuk i është shqiptuar ndalimi i ushtrimit të profesionit, veprimtarisë ose detyrës, ndalimi i përkohshëm i kryerjes së një veprimtarie të veçantë dhe ndalimi i përhershëm me vendim gjyqësor të formës së prerë, ndalimi i ushtrimit të veprimtarisë së veçantë
• të ketë shlyer borxhet në bazë të detyrimeve tatimore dhe doganore;
• ka vendosur standardet e duhura të sigurisë që konsiderohen të përmbushura kur aplikanti provon se mban masa adekuate që garantojnë sigurinë e fushave të integritetit fizik dhe kontrolleve të aksesit, proceseve logjistike dhe trajtimit të mallrave të akcizës, punonjësve dhe identifikimit të tij te partnerët e biznesit;
• plotëson kushtet për shkëmbimin elektronik të të dhënave dhe
• para dhënies së lejes së akcizës, të paraqesë garancinë për sigurimin e borxhit të akcizës që ka lindur ose që mund të lindte.

 Leja e akcizës lëshohet në bazë të kërkesës së parashtruar për lëshimin e lejes së akcizës në sistemin kompjuterik të Drejtorisë së Doganave SPDDDA me dokumente përcjellëse të përcaktuara në përputhje me Rregulloren për mënyrën e akcizës së alkoolit dhe pijeve alkoolike dhe duhanit dhe produkteve të duhanit dhe Rregullores për akcizën e produkteve energjetike.