1. Kreu
  2. Komuniteti i Biznesit
  3. Tarifa, vlera dhe origjina
  4. Kuotat doganore

Kuota Doganore

Importi në Republikën e Maqedonisë së Veriut të disa produkteve bujqësore me origjinë nga vendet anëtare të Bashkimit Evropian, vendet anëtare të EFTA-s, Ukrainës, Republikës së Turqisë dhe Mbretërisë së Bashkuar të Britanisë së Madhe dhe Irlandës së Veriut brenda kuotave vjetore të përcaktuara bëhet pa pagesë ose me pagesë të taksave doganore të reduktuara për import. Sipas detyrimeve nga Marrëveshja për anëtarësimin e Republikës së Maqedonisë në Organizatën Botërore të Tregtisë (OBT), është parashikuar importi pa taksa të grurit brenda kuotave tarifore të përcaktuara vjetore.

Sipas Vendimit të Qeverisë së Republikës së Maqedonisë së Veriut për mënyrën dhe procedurën e shpërndarjes së mallrave brenda kuotave tarifore, një herë në vit në Gazetën Zyrtare të Republikës së Maqedonisë së Veriut në sasi çerekore publikohen Listat e mallrave në kuotat tarifore që do të importohen brenda kuotës sipas parimit të shpërndarjes "i pari vjen, i pari shërbehet". Sasi të pashfrytëzuara të kuotave në fund të çdo çereku transferohen në çerekun e parë të ardhshëm (periudha prej tre muajsh) si shtesë e sasisë së përcaktuar të mallrave nga Lista e mallrave në kuotat tarifore.

Sipas Vendimit të Qeverisë së Republikës së Maqedonisë së Veriut për mënyrën dhe procedurën e shpërndarjes së mallrave brenda kuotave tarifore, një herë në vit në Gazetën Zyrtare të Republikës së Maqedonisë së Veriut publikohet Lista e mallrave në kuotat doganore sipas Protokollit për anëtarësimin e Republikës së Maqedonisë në OBT.

Për mallrat që nënshtrohen në përdorimin e importit preferencial brenda kuotës tarifore dorëzohet një deklaratë elektronike me kodin përkatës të plotësuar për trajtimin preferencial brenda kuotës në rubrikën 36, të dhënat përkatëse të plotësuara për numrin e kuotës në rubrikën 39 si dhe kodi 5071 (taksa administrative) në rubrikën 44 duke përfshirë datën e pagesës ose kodin unik të pagesës elektronike.

Për çdo kërkesë të veçantë për shpërndarjen e kuotës tarifore është e nevojshme të bëhet pagesa e veçantë e taksës administrative përmes urdhërit të pagesës së të ardhurave publike - formulari PP 50, në mënyrën e mëposhtme:

Mënyra e plotësimit të urdhërit për të ardhurat publike formulari PP50 gjatë pagesës së taksës administrative

pp50

  • Emri i marrësit – Llogaria e Thesarit
  • Banka e marrësit – Banka Popullore e RMV-së
  • Llogaria – llogaria unike e thesarit 100000000063095
  • Llogaria e pagesës – 840 XXX 03413, shënohet shenja e komunës sipas listës të publikuar me Udhëzimin për mënyrën e regjistrimit, shpërndarjes dhe kthimit të të ardhurave publike (për shembull: për rajonin 179 (komuna e Karposh - 84017903413); Kodi i të ardhurave 722322;
  • Data e valutës dhe data e pagesës duhet të jenë identike;
  • Mënyra – që pagesuesi menjëherë të mund të përdorë pagesën është e nevojshme të plotësohet me 1, dmth pagesa menjëherë do të realizohet nga banka. Referenca e numrit – Detyrimi – numri lokal referues (LRB) i deklaratës
  • Qëllimi i transferimit – taksa administrative - KUOTA;
  • Shuma – shuma totale e emrit të taksës administrative, që përbëhet nga: 1) shuma e pagesës bazuar në kërkesën për klasifikimin e kuotës tarifore

Klasifikimi i sasive të kuotave tarifore bëhet përmes Sistemit Elektronik për Mjedisin e Integruar Tarifor – MIT (http://ite.customs.gov.mk:9080/masterApp/)

Raportet ditore për kuotat tarifore të klasifikuara ose pjesërisht të refuzuara si dhe gjendja aktuale e sasive të mbetura të kuotave tarifore sipas vendeve janë të disponueshme në modulin konsultativ të Sistemit Elektronik për Mjedisin e Integruar Tarifor – MIT (http://ite.customs.gov.mk:9080/masterApp/)

Vendimi për mënyrën dhe procedurën e klasifikimit të mallrave brenda kuotave tarifore
Scroll to top

.