Ndërveprueshmëria e sistemeve TI të Drejtorisë së Doganave me sistemet TI doganore të BE-së

Projekti "Ndërveprueshmëria e sistemeve TI të Drejtorisë së Doganave me sistemet doganore TI të BE-së" përbëhej nga 2 komponentë

1. “Zbatimi i Sistemit të Ri të Kompjuterizuar të Transitit – NCTS” dhe
2. "Mbështetje në menaxhimin e projektit të zbatimit të NCTS"

dhe ishte menduar për mbështetje në procesin e përmbushjes së kërkesave të para-aderimit për anëtarësimin në BE, dhe në lidhje me aderimin në Konventën e Përbashkët të Tranzitit, duke përfshirë mbështetjen për zbatimin e Sistemit Kombëtar të Tranzitit Doganor (NCTS) dhe Rrjetit të Përbashkët të Komunikimit dhe të Përbashkët të Ndërfaqes së Sistemit (CCN/CSI). Qëllimi i projektit ishte përforcimi i kapaciteteve operative të Drejtorisë së Doganave të Republikës së Maqedonisë në përputhje me standardet e BE-së në fushat kryesore doganore të kontrollit doganor të doganave të Bashkimit Evropian për të siguruar përputhshmëri dhe ndërveprim të plotë të TIK-ut të sistemit të Drejtorisë së doganave me NCTS dhe lidhje e plotë me sistemet e Bashkimit Evropian / DG TAXUD, duke mundësuar shkëmbimin e të dhënave nëpërmjet një rrjeti të përbashkët komunikimi dhe infrastrukturës së ndërfaqes së përbashkët të sistemit (CCN/CSI).

Fakte rreth projektit:

Qëllimi: Zhvillimi i softuerit NCTS dhe kontrolli i cilësisë

Kohëzgjatja: 24 muaj (2011 - 2013)

Vlera:  3.5 milion euro (1.5 milion - komponenti 1 dhe 1.5 milion euro - komponenti 2 dhe 0.5 milion euro bashkëfinancim kombëtar)

Rezultati: Është krijuar një sistem i ri i kompjuterizuar transit (NCTS) i pajtueshëm me sistemet e tranzitit të BE-së. SRKT në Republikën e Maqedonisë funksionon në nivel kombëtar që nga data 1 mars 2014 dhe më 1 korrik 2015 Republika e Maqedonisë u bë pjesë e sistemit transitor të Bashkimit Evropian. Me aderimin e Maqedonisë në Konventat për procedurë të përbashkët tranziti dhe për thjeshtësimin e formaliteteve në tregtinë e mallrave, sigurohet një lëvizje e vetme e mallrave brenda vendeve anëtare, nga një pikë e hyrjes deri në vendin e përfundimit të procedurës së transitit, pavarësisht se sa vende dhe pika kalimi kufitar duhet të kalojnë mallrat.