Во текот на минатата недела, царинските службеници открија еден обид за погрешно тарифирање на стока и повеќе обиди за криумчарење на разна стока, при што привремено се задржани златен накит, цигари, огномет, парафин за импрегнација на дрва, дискови за автомобил, женски бунди од природно крзно и друго.

На граничниот премин Деве Баир царинските инспектори од Одделението за оперативни работи спречија обид за шверц на 4 килограми марихуанa.

Со цел поголема транспарентност и подобро работење, Царинската управа своето работење континуирано го доближува до интересите на бизнис заедницата, како и на сите учесници во царинските постапки, а преку заеднички организирани состаноци и отворена дискусија се слушаат и нивните размислувања и предлози за поефикасна и поефективна соработка.  Тоа ја зголемува нашата ефикасност и го подобрува квалитетот на носењето одлуки.

Согласно планот за развој на Царинската управа, информираме за започнување на инфраструктурни работи за надградба на царинскиот терминал на ГП Табановце. За непречено одвивање на работите, како и избегнување на подолги задржувања за влез и за излез од државата, информираме дека на патниот граничен премин Табановце во наредниот период ќе се одвиваат градежни активности за проширување на постојниот царински терминал, изградба на други објекти и дополнителни сообраќајни ленти за движење на товарниот сообраќај. За оваа цел со посебна сообраќајна сигнализација ќе биде воспоставен времен сообраќаен режим. 

Во текот на минатата недела, царинските службеници открија повеќе обиди за криумчарење разна стока, при што привремено се задржани готови пари, режан тутун,  делови за товарни возила и возови, делови за машини, домофони, лед светилки и регистарски таблички.

На граничниот премин Блаце царинските инспектори од Одделението за оперативни работи спречија обид за шверц на 32,5 килограми марихуанa.

Царинската управа и Државниот инспекторат за земјоделство на Република Македонија денес (25 ноември 2016 година) потпишаа Меморандум за соработка.

На 21 ноември 2016 година Царинската управа на Република Македонија во соработка со Даночната академија при Управата за јавни приходи организираше обука на тема „Основи на сметководство и видови на докази при поднесување на ДДВ пријава“.

Делегација на Царинска управа на Република Македонија, предводена од директорката, присуствува на 13-от состанок на Советот на Југо-источниот европски центар за спроведување на законот (SELEC), што се одржува денес (17 ноември 2016 година) во Букурешт, Романија.

Царинската управа на Република Македонија и Агенцијата за лекови и медицински средства на 15 ноември 2016 година потпишаа Меморандум за соработка како резултат на добрата долгогодишна соработка.