Во рамки на проектот Подобрување на наплата на приходите и даночна и царинска политика во периодот од 6.12—10.12.2021 година се одржа работилница на тема Подготовка на акти за поштенски сообраќај.

Царинската управа започна со реализација на Проектот за имплементација на нов систем за видео надзор и автоматско распознавање на регистарски таблички на возилата кои ја преминуваат границата (CCTV и ANPR), кој се реализира како компонета од Проектот за олеснување на трговијата и транспортот во Западен Балкан финансиран со заем од Светската Банка.

Во текот на денешниот ден преку видео конференциска врска се одржа Регионална работилница наменета за споделување искуства со земјите од регионот, во однос на реализацијата на првата фаза од новиот Национален едношалтерски систем (National Single Window – NSW).

Во врска со информациите изнесени во јавноста, поврзани  со запленетата стока која пристигнала на Аеродромот Скопје, Царинската управа ја информира јавноста дека истрагата ја води и е под непосредна контрола и надзор на Јавното Обвинителството за организиран криминал и корупција. Овластените лица на Царинската управа ги преземаат сите мерки и активности по барање обвинителството. За подетални информации, обратете се до надлежното обвинителство.

    

    

Претставници на Царинска управа, предводени од директорката г-ѓа Славица Кутиров и заменик директорот г. Муарем Хасани, остварија работен состанок со висока делегација од Стејт Департмент на Соединетите американски држави – Биро за борба против тероризам, како и претставници од Амбасадата на САД во Скопје.

Денес, на граничниот премин Прешево, директорите на Царинските управи на Република Северна Македонија, г-ѓа Славица Кутиров и Република Србија г. Бранко Радујко, потпишаа Протокол за взаемно признавање на одобрениjата за Овластен економски оператор (ОЕО).

Во рамките на твининг проектот - “Improving Revenue Collection and Tax and Customs Policy”, а  во соработка со Царинските управи на Република Австрија и Република Хрватска, во период од 29.11. до 3.12.2021 година, царински службеници од Царинската управа на Република Северна Македонија учествуваат на обука на тема  „Darknet Investigations“.

Преку видео конференциска врска членовите на Советодавното тело при Царинската управа одржаа состанок кој го предводеше директорката на Царинската управа, м-р Славица Кутиров. На денешниот состанок присутните разгледаа материјали поврзани со повеќе актуелни прашања од областа на царинското работење и барањата на деловната заедница и за истите разменија меѓусебни мислења.

Царинската управа ве известува дека во период од 30.11.2021 до 15.12.2021 година, можете да ги поднесувате и доставувате вашите Барања за полагање на прв дел (теоретски дел) од стучен испит за лиценциран застапник, во архивата на Царинска управа на адреса ул.„Лазар Личеноски“ број 13 Скопје или во архивите на Царинарниците во Скопје, Битола, Гевгелија, Штип и Куманово, на образец 01.30.00.ПЦ.005.02.-OБ.04.02, кој можете да го најдете на линкот најдолу во текстот.

Царинската управа Ве известува дека на ден 22.12.2021 година со почеток во  14:00 часот, во просторијата број 1 на Европскиот универзитет Скопје кој се наоѓа на бул. „Св.Климент Охридски“ број 68 (на трети кат) е закажано повторното полагање (поправен испит) за вториот дел од испитот –студија на случајот.